انا واحد من الناس -بعيدا عن اي شاب بيتقال عليه سيس- شايف ان كل واحد فينا له لحظه حزن بتسيطر عليه
...بتبعده عن كل حاجه..يتمنى يكون لوحده ممكن يلاقى حل للدنيا..
مشاكله..
يسمع كل الناس اللى بيستشيرها..
يلاقيها تتنطط عليه..يقولك " اتحكم فى نفسك و اكتب واحد اتنين تلاته و اعرف فى ايه كأنه ف معمل بالظبط و انت فار التجارب اللى عنده"
و تكلم واحد متدين ملتزم يقوللك " بطل كفر بقى و قوم صلى ركعتين لله و تفاأل " انت تعرف ايه مشكلتى علشان تقول تفاأل بمنتهى برود الاعصاب؟؟؟
و اسأل صاحبي اللي بيدرس علم نفس و كل مره يشيل السنه يقولى " بص يا صديقي دى حالة كبت و من وجهت نظري العلميه ااا..."ششششش اسكت حرام عليك اسكتوووووووو كلكوووووووو....و فى النهايه بتنتهى بالوحده ...
سمعت اغانى حزينه جالى نكد و فكرت انتحر...
سمعت فرايحى قلت يا بخت الناس دى عالم بارده اوى...
رومانسي مفيش اى حاله حب عندى و زعلت اكتر...
فى يوم سمعت اغنيهلموسيفى الميتال لقيت المطرب بيزعق و جيتار عالى و حاسس ان انا ف حرب بس حسيت ان فى جوايا طاقه كبيره فى المزيكا دى وبتتفرغ لما اسمعها و بحاول اندمج معاها و فى الاخر لقيت فى ان حالتى النفسيه احسن بكتير ...
فايدتها الاساسيه ليا-عن نفسي-انها بتعمللى ارتياح نفسي زى التراجيديا ما بتطهر الارواح من النوايا الشريره بالظبط
.بمعنى ان انا لما الاقى نفسي يعنى مكتئب او عندى تجربه وحشه ف حاجه معينه بجرب اسمع الناس و مع تناقض الاراء اللى بشوفها بقول فى الاخر ان اناهاكون لوحدى اريح من الرغى و ان كل واحد يجاوبلى من منطلقه و من وجهة نظره...
الميتال دا باختصار موسيقى فيها عنصرين يا اما الهدوء الشديد او الضوضاء الشديد
ف ممكن الاغنيه تكون هاديه فى الاول و تعلى او العكس . الراحه النفسيه فيها بتنشأ بالظبط من ان الواحد يسمع حاجه عاليه جدا او هاديه جدا بصوت بيمثل التمرد الداخلى له على حالة الحزناللى بيعيشها و عن العالم اللى حوالينا و دا ك لحن...
انما ك كلمات مش كل كلمات اغانى الميتال كفر و الحاد زى ما الناس بتقول و الا ما كنتش افكر اسمعها من الاساس. فى اغانى ل فريق ميتاليكا مثلا معظمها كلماتها جميله و مميزه بأسلوب جميل. غير لو ان الواحد هياخد كلالطاقه اللى فى الموسيقى دى فى حاجه نافعه بجد البلد دى هاتبقى احسن بلد فى العالم بما فيها من تحدى للحاله اللى كلنا بنهرب منها و تخلينا نلجأ للوحده و نحاول مع نفسنا نعدل منها من غير مانحتاج لحد بدرجه كبيره.
طولت عليكم لكن فى انتظار تعليقاتكم AHMED METALLiCA
i totally agree with those words .. its not a crime listening to metal .. its just a way to express ourselves in some situations we live even if it were temporary
ردحذفحلو اوى يا احمد الموضوع وانا من النهارده هبقى اسمع الموسيقى ديه بس ابقى قولى على الحلو منها لانى زى ما انت عارف مش بفهم انجليش
ردحذفnice topic ..........................7elw awiiiiiiiiiiiiii
ردحذفالمهم في الآخر انك لقيت شيء من خلاله تقدر ترتاح .. مش مهم ايه الشيء دا مدام انك مش ماشي في طريق الغلط .. الحزن عمره مكان عيب ولا حرام .. ودايما بنلاقي شعاع جميل لأول درب استمتاع بالراحة والأمان ..وبنكتشف بعدين انه الشعاع دا هو الشيء اللي هنحبه جدا بعدين وممكن نبدع فيه كمان :)
ردحذفالى الأمام دايما وبتمنالك كل التوفيق :)
متشكر جدا لمشاركتك يا SOUL.TE@RS اللى هاكون معتز بيها جدا لأنها اول مشاركه لحد من السايت..و فعلا حاجه عجبتنى جدا ان فكرتك برضه متشابهه و فاهمه الموضوع صح...تحياتى :):)
ردحذفمممممممم
ردحذفالصراحه انا نوعا ما بحب الموسيقى الصاخبه
بس ده مش معناه اني مثلا اغير حاجه فشكلي و يبقى منظري غريب او كده او اعمل حاجه منافيه للاخلاق و الدين ايا كان .
انا موافقه على كلامك جدا و ياريت الناس لا تأفور في انها تنقدها ولا تأفور انها تسمعها لحد ما تتعمق فيهم و تقليدبقه و كلام من ده
اكيد انا موافق معاكى فى الرأى دا و اكيد طبعا خير الامور الوسط و دا السبب اللى خلانى اعمل المدونه دى علشان اعدل الفكره اللى الناس تعرفها عن الميتال ان هو لبس اسود و اكتئاب كامل بدليل ان انا عامل المدونه و بكتب فيها عامى و بأسلوب خفيف ع القلب علشان الناس مش تتشد اعصابها فى الموضوع دا
ردحذفشرف ليا يااحمد أنه مشاركتي كانت اول مشاركة في السايت .. وبتمنالك التوفيق :)
ردحذفGood Luck :)
خالص احترامي ،،
شرف كبير ليا بجد ان انك تكونى متابعه ليا و دا شيىء يسعدنى جدا..متشكر ليكى :)
ردحذفWell all that you had said are right,,every each word you said totally true...i would say a word always i am saying it to all my friends "Life Is Pain"
ردحذفThank you
-Black Tulip-